Arbeid og utdanning

Eg jobbar i dag som informasjonskonsulent og tekst­forfattar i ei norsk mediebedrift.

Til dagleg arbeider eg mellom anna med kundehandsaming, brukarstøtte, research og å snike bokstavrim inn i programomtalar i ei populær strøyme­teneste.

I tidlegare jobbar har eg arbeidd med banktenester, varehandel, Wordpress-programmering, film­utleige, reinhald og journalistikk. Under studietida var eg deleigar og drivar av eit korrekturlesings­firma.

Eg studerte i Trondheim. Der pådrog eg meg ein bachelorgrad i film­vitskap og eit styreverv i studentmållaget.

Min aller fyrste jobb var å selje jordbær.