Interesser og hobbyar

Film

Eg set pris på god historieforteljing og trivst difor i kinosalen.

Kvar vår reiser eg ned til Trondheim for å besøke filmfestivalen Kosmorama. Eg har ein gammal blogg kor eg skriv oppsummeringar frå festivalen.

Film høyrer heime på kino. Eg freister å skrive ein liten omtale av alle kinofilmane eg ser. Du kan finne desse på Letterboxd.

Gjennom åra har eg opparbeidd meg ei fin samling av DVD, bluray og 4K UHD. Oversyn over videosamlinga finst på nettstaden film.boba.no.

Star Wars

A propos film! Det er nok ingen løyndom at eg diggar Star Wars. Eg ser filmane og seriane med entusiasme, reiser på messer rundt i verda og byggjer kostyme frå filmane.

Eg eig to profesjonelle kostyme: Stormtrooper og Boba Fett. Det ligg tallause timar, mykje sveitte og hardt arbeid bak dei, men alt slitet er verdt det når eg ser folk – i alle aldre – få stjerner i auga når dei ser meg kome marsjerande.

På nettstaden TK32700.com og på Mastodon deler eg informasjon og historiar om kostymehobbyen.

Som medlem av lokallaget Norwegian Garrison i den verdsfemnande organisasjonen 501st Legion deltek eg på raude lauparar, paradar, direktesendte fjernsynssendingar, sjukehusbesøk og mange andre arrangement.

Velgjerdsarbeidet vårt er i hovudsak retta mot barn. Døme på organisasjonar vi har samarbeidd med er Barnekreftforeningen, Mental Helse Ungdom, Make-a-Wish og Bamse B.

Brettspel

Det er hyggeleg å samle vener for ein runde med brettspel. Favorittspelet mitt for tida er Blood on the Clocktower.

Oversyn over brettspelsamlinga mi finst på BoardGameGeek.com.